T-20: રાજસ્થાનની મેચ દરમ્યાન સિગારેટના કશ લગાવતો હતો આ ક્રિકેટર, જાણો પછી શું થયુ…
IPL દરમિયાન ક્રિકેટર લઈ રહ્યો હતો સિગારેટના કશ – ચાહકો થયા નારાજ
હાલ આઈપીએલ સીઝન ચાલી રહી છે. કોરોનાની મહામારીના કારણે ભારતમાં મેચ નહીં રમાઈને યુનાઇટેડ આરબ અમિરાતમાં રમાઈ રહી છે. આઈપીએલને ચાહકોનો પ્રતિસાદ પણ ખૂબ મળી રહ્યો છે. તો બીજી બાજુ મેચ પણ ચાહકોને ખૂબ રોમાંચ પુરો પાડી રહી છે. શનિવારના રોજ રોયલ ચેલેન્જર્સનો રાજસ્થાન રોયલ્સ સાથે મુકાબલો થયો હતો. મેચ ઘણી રોમાંચક રહી હતી અને રાજસ્થાન આ મુકાબલો 7 વિકેટે હારી ગયું હતું.
પ્રથમ બેટીંગ રાજસ્થાને કરી હતી. જેમાં ટીમે 177 રનનો સ્કોર કર્યો હતો. ત્યાર બાદ બેંગલોરે બેટીંગ કરી અને ધડાધડ રન ફટકારીને 7 વિકેટે બેંગલોરે વિજય મેળવી લીધો હતો. ધૂંઆધાર બેટ્સમેન ડીવીલીયર્સે 22 બોલમાં 55 રન ફટકાર્યા હતા. અને આખી રમત ફેરવી નાખી હતી.
ધૂંઆધાર બેટીંગના કારણે બેંગલુરુએ છેલ્લી ઓવરમાં માત્ર 10 જ રન કરવાના હતા. અને આ છેલ્લી ઓવર દરમિયાન કેમેરામેને એક દ્રશ્ય પોતાના કેમેરામાં કેદ કરી લીધું જે ત્યાર બાદ ખૂબ વાયરલ થઈ ગયું હતું. આ વિડિયોમાં રોયલ ચેલેન્જર્સ બેંગલોરના બેટ્સમેન આરોન ફીંચ ડ્રેસીંગ રૂમમાં સ્મોકિંગ કરી રહ્યા હતા.
Finch vaping in the dressing room😂 #Dream11IPL #IPL2020 #RRvsRCB pic.twitter.com/sx5rqsCTHd
— Kevin Shah (@_Kevin__Shah) October 17, 2020
તેમને ઈ સીગારેટ ફૂંકતા જોવામાં આવ્યા હતા. અને તેમનો આ ઇ સિગારેટ પીતો વિડિયો સોશિયલ મિડિયામાં થોડી જ વારમાં ખૂબ વાયરલ થઈ ગયો હતો. ફીંચના ફેન્સ જો કે તેમના સ્મોકિંગ કરવાથી નારાજ થઈ ઉઠ્યા હતા. અને તેમને સોશિયલ મિડિયા પર ટ્રોલ પણ કરવામાં આવ્યા હતા.
એવું નથી કે કોઈ ક્રીકેટર પહેલીવાર સિગારેટ પીતો જોવામા આવ્યો હોય પણ આ પહેલાં 2008માં પણ ઓસ્ટ્રેલિયાના મહાન બોલર શેન વોર્ન પણ સિગારેટ પીતા ઝડપાઈ ગયા હતા. આમ તો તેઓ પોતાના અંગત જીવનમાં જે કંઈ કરે છે તેનાથી દર્શકોને કોઈ નિસબત ન હોવો જોઈએ પમ આપણે બધા એ સારી રીતે જાણીએ છીએ કે સિગારેટ સ્વાસ્થ્ય માટે હાનીકારક વસ્તુ છે. અને ક્રિકેટર્સ લોકોના એક મોટા વર્ગ પર પોતાની છાપ છોડતા હોય છે. તેઓને જોઈને લોકો શીખતા પણ હોય છે માટે તેમણે જાહેરમાં પોતાના વર્તનને થોડું કાબૂમાં રાખવું જોઈએ. જેથી કરીને લોકો પર તેમની ખરાબ આદતની અસર ન થાય.
તમને જણાવી દઈએ કે રાજસ્થાને ટોસ જીતીને પ્રથમ બેટીંગ કરવાનું નક્કી કર્યું હતું અને 20 ઓવરની મેચમાં રાજસ્થાને 177 રન બનાવીને એક મજબુત સ્કોર ખડો કર્યો હતો. બેંગલૂરુ માટે શરૂઆતની કેટલીક ઓવર ઠંડી રહી. ટીમના કેપ્ટન કોહલી અને પડીક્કલની 79 રનની ભાગીદારીએ ટીમને સારો ટેકો આપ્યો હતો.
પણ ત્યાર બાદ ડીવીલીયર્સે જે રીતે મેચને અંજામ આપ્યો તે ખરેખર જોવા જેવો હતો. તેણે મેચની આખીબાજી જ પલટી નાખી. તેમણે ખૂબ જ ઝપથી અરધી સદી ફટકારી દીધી હતી અને તેમની આ બેટીંગ બેંગલોર માટે જીત અપાવનારી સાબિત થઈ હતી. ડિવિલિયર્સે જય ઉનડકટની બોલીંગ પર એક સાથે ત્રણ છગ્ગા લગાવી દીધા હતા.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
0 Response to "T-20: રાજસ્થાનની મેચ દરમ્યાન સિગારેટના કશ લગાવતો હતો આ ક્રિકેટર, જાણો પછી શું થયુ…"
ટિપ્પણી પોસ્ટ કરો