ભગવાન શિવજીની મૂર્તિ સ્થાપીત કરતી વખતે આ ધ્યાન રાખશો નહિતર થશે ઘણુ બધુ નુકસાન…
હિન્દુ ધર્મમાં વાસ્તુ શાસ્ત્રને ખૂબ મહત્વ આપવામાં આવે છે. ઘરની ચીજોની સાથે, દેવી-દેવતાઓની મૂર્તિઓની સ્થાપનામાં પણ તેનું ધ્યાન રાખવું પડે છે. જો યોગ્ય નિયમો દ્વારા ભગવાનની મૂર્તિની સ્થપના કરવામાં આવતી નથી તો લાભની જગ્યાએ નુક્સાન થઈ શકે છે. આવી સ્થિતિમાં, આજે અમે તમને ભગવાન શિવજીની મૂર્તિ સ્થપિત કરવાના કેટલાક નિયમો વિશે જણાવવા જઈ રહ્યા છીએ.
શિવજી તાંડવ અને સૌમ્ય બંને સ્વરૂપમાં રહે છે. આવી સ્થિતિમાં જ્યારે પણ તમે ઘરમાં શિવજીની મૂર્તિ સ્થાપિત કરો ત્યારે ખાસ ધ્યાન રાખો કે તે ક્રોધિત અથવા તાંડવની મુદ્રામાં ન હોય. તેનું કારણ એ છે કે શિવજીની તાંડવ મુદ્રા વિનાશનું પ્રતીક છે. આ જ કારણ છે કે વાસ્તુ શાસ્ત્રમાં ભગવાન ભોલેનાથની નટરાજની મૂર્તિ અથવા તસવીર ઘરમાં સ્થાપિત કરવાની મનાઈ કરવામાં આવી છે. તે આ મૂર્તિમાં તાંડવની મુદ્રામાં દેખાય છે. બીજી બાજુ, જો તમે શિવજીની સૌમ્ય અને પ્રસન્નચિત્ત મુદ્રા વાળી મૂર્તિ ઘરમાં રાખો છો તો ઘરમાં ખુશીઓ આવે છે.
ઘરમાં જ્યારે પણ ભોલેનાથની મૂર્તિ સ્થપિત કરો છો તો પ્રયત્ન કરો કે તે ઉત્તર દિશામાં લગાવવામાં આવે. તેનું કારણ એ છે કે ઉત્તર દિશામાં જ ભગવાન શિવનું નિવાસ સ્થાન એટલે કે કૈલાસ પર્વત છે. આ સિવાય ઘરમાં શિવજીની મૂર્તિ એવી જગ્યા પર પર રાખવી શ્રેષ્ઠ છે જ્યાં આવતા-જતા દરેકની નજર પડતી હોય. તેનાથી દરેકને તેમના આશીર્વાદ મળે છે અને ઘરના કોઈ પણ સભ્યને નેગેટિવ ઉર્જાની અસર થતી નથી.
ઘરમાં શિવજીની એવી તસવીર લગાવો જેમાં તે તેમના આખા પરિવાર સાથે એટલે કે પત્ની પાર્વતી, પુત્રો ગણેશ અને કાર્તિક અને નંદીજી સાથે બેઠા હોય. આ પ્રકારની તસવીરને વાસ્તુમાં ખૂબ જ શુભ માનવામાં આવે છે. એક વાત ધ્યાનમાં રાખો કે ભગવાન શિવ નંદી વિના અધૂરા છે. તેથી નંદી વગરની તસવીર ભૂલથી પણ ન લગાવો. સંપૂર્ણ પરિવાર વાળી તસવીર લગાવવાથી ઘરમાં બાળકો આજ્ઞાનાકારી બને છે અને પરિવારમાં પ્રેમ વધે છે.
પૂજા સ્થળ ઉપરાંત, જો તમે શિવજીની મૂર્તિ કોઈ અન્ય જગ્યા પર સ્થપિત કરી રહ્યા છો, તો તે જગ્યાની સ્વચ્છતાનું વિશેષ ધ્યાન રાખો. આ જગ્યા દૂષિત થવાથી પૈસાની અછત, દુઃખ અને ઘણી મુશ્કેલીઓનો સામનો કરવો પડે છે. ઘર અથવા કાર્ય સ્થળ પર શિવજીની ઉભી મુદ્રા વાળી તસવીર અથવા મૂર્તિ લગાવવી જોઈએ નહિં.
0 Response to "ભગવાન શિવજીની મૂર્તિ સ્થાપીત કરતી વખતે આ ધ્યાન રાખશો નહિતર થશે ઘણુ બધુ નુકસાન…"
ટિપ્પણી પોસ્ટ કરો