નવા નિયમ અનુસાર ટ્રેનમાં રાતે 11 વાગ્યા બાદ નહીં મળે આ સર્વિસ, તૈયારી સાથે નીકળો
વેસ્ટર્ન રેલ્વેના મુખ્ય જનસંપર્ક અધિકારીના અનુસાર હવે ટ્રેનની મુસાફરીમાં મોબાઈલ કે લેપટોપ ચાર્જ કરવા માટે ચાર્જિંગ પોઈન્ટ રાતે 11 વાગ્યાથી સવારે 5 વાગ્યા સુધી બંધ રહેશે. આવી સ્થિતિમાં ઓવર ચાર્જિંગને કારણે મોબાઈલ કે લેપટોપની બેટરીમાં બ્લાસ્ટ થવાનું જોખમ રહેલું છે. આ સાથે જ મોબાઈલ – લેપટોપ ચોરીનો ભય પણ રહે છે. આ નિર્દેશ દેશના દરેક રેલ્વે ઝોનમાં લાગૂ રહેશે. જાણો શું છે આ માટેનું કારણ.
રેલ્વે તરફથી મળતી માહિતી અનુસાર રાતના સમયે આગ લાગવાની અનેક ઘટનાઓ સામે આવી છે. આ કારણે લોકો રાતે લેપટોપ કે મોબાઈલ ચાર્જ પર લગાવીને મૂકી રાખવા કે તેમના ઓવરહીટ થવું પણ કારણ છે.
રેલ્વેના અધિકારીએ કહ્યું છે કે 13 માર્ચે દિલ્હી- દહેરાદૂન શતાબ્દિ એક્સપ્રેસમાં આગ લાગ્યા બાદ આ નિર્ણય લેવાયો છે. આ દિવસે આગ એક કોચથી શરૂ થઈ અને અનેક કોચમાં ફેલાઈ ગઈ. ઘટનાથી રેલ્વેતંત્ર સતર્ક થઈ ગયું છે, ત્યારબાદ હવે રેલ્વેતંત્ર આગની ઘટનાઓ રોકવા કડક પગલા લઇ રહ્યું છે.
રેલ્વે તરફથી કહેવામાં આવ્યું છે કે ટ્રેન મુસાફરોની સલામતી તેમની પ્રાથમિકતા છે. આ સંદર્ભમાં રેલ્વેએ પ્રવાસને આરામદાયક અને સલામત બનાવવા માટે આ મોટા પગલા ભર્યા છે.
આ સિવાય રેલ્વેએ નો સ્મોકિંગ અભિયાન પર પણ ભાર મૂકવાનું વિચાર્યું છે. આ રેલ કોચમાં ધૂમ્રપાન કરનારા પર કડકાઈ લવાશે અને સાથે નિયમનું ઉલ્લંઘન કરનારાને માટે સજાની પણ જોગવાઈ છે. આ માટે 100 રૂપિયાનો દંડ વસૂલવામાં આવશે.
સેન્ટ્રલ રેલ્વેના અધિકારીએ કહ્યું કે ટ્રેનમાં કામ કરનારા દરેક એમ્પલોઈ, સ્ટોક હોલ્ડર્સને વિશે જાગરૂક કરવા માટે અભિયાન ચલાવાશે. આ સિવાય રેલ્વેના એમ્પલોઈ અને એસી કોચમાં રહેતા એસી મિકેનિકને રાતે ચાર્જિંગ પોઈન્ટ બંધ કરવાનું એલર્ટ અપાયું છે.
હવે આ અસુવિધાથી બચવા માટે યોગ્ય છે કે તમે તમારા ફોન અને લેપટોપને ઘરેથી ચાર્જ કરીને નીકળો અને ટ્રેનમાં રાતે 11 વાગ્યા પહેલા ચાર્જ કરી લો. જો જરૂર પડે તેમ લાગતું હોય તો પાવર બેંકને સાથે રાખીને નીકળો.
0 Response to "નવા નિયમ અનુસાર ટ્રેનમાં રાતે 11 વાગ્યા બાદ નહીં મળે આ સર્વિસ, તૈયારી સાથે નીકળો"
ટિપ્પણી પોસ્ટ કરો