આકરો બન્યો ઉનાળો, આટલા દિવસ હિટવેવની છે આગાહી, જાણો કયા રાજ્યમાં થશે આની સૌથી વધારે અસર
ગુજરાતમાં કોરોના કહેર વર્તાવી રહ્યો છે તો બીજી તરફ ઉનાળાની શરૂઆત થતા ગરમીમાં પણ વધારો થઈ રહ્યો છે. તેમને જણાવી દઈએ કે હાલમાં રાજ્યના મોટાભાગના શહેરોમાં તામમાનનો પારો 40 ડિગ્રીને પાર પહોંચી ગયો છે. જેમા અમદાવાદમાં પણ કાળઝાળ ગરમીને લઇને આજે યલો અલર્ટની આગાહી કરવામાં આવી છે.
આ અંગે હવામાન વિભાગ દ્વારા આગાહી કરવામાં આવી છે કે, સૌરાષ્ટ્ર અને કચ્છમાં બે દિવસ હિટવેવની અસર જોવા મળશે. તો બીજી તરફ ગીર સોમનાથ, જૂનાગઢ, પોરબંદરમાં પણ હીટવેવની આગાહી કરવામાં આવી છે. અને દીવ અને કચ્છમાં પણ આગામી 2 દિવસ સુધી આગ ઝરતી ગરમી રહેવાની આગાહી કરવામાં આવી છે. જેથી લોકોને કામ વગર બહાર ન જવા અપીલ કરવામાં આવી છે.
નોંધનિય છે કે, સૌરાષ્ટ્ર અને કચ્છમાં બે દિવસ હિટવેવની આગાહી કરવામાં આવી છે ત્યારે ગાંધીનગર 41.5 ડિગ્રી, જૂનાગઢ 43 ડિગ્રી, વડોદરામાં 40 ડિગ્રી અને કચ્છમાં સૌથી વધુ ગરમીનો પારો 42.16 ડિગ્રી સુધી તાપમાનો પારો પહોંચી ગયો છે. તમને જણાવી દઈએ કે, હાલમાં ગરમીના કારણે તળાવોના પાણીના સ્તરમાં પણ ઘટાડો જોવા મળી રહ્યો છે.
હાલમાં ગરમીના કારણે લોકો ડિહાઈડ્રેશન અને ઝાળા ઉલટીનો શિકાર બની રહ્યા છે. તો બીજી તરફ ગરમી રાહત મેળવવા માટે વિટામીન-સીથી ભરપુર એવા લીંબુનો ઉપયોગ કરે છે. નોંધનિય છે કે, લીંબુ શરબતની સાથે સાથે કોરોનાની સામે રોગપ્રતિકારક શક્તિ વધે છે. તેથી હાલમાં વિટામિન-સી માટે લીંબુની માંગમાં પણ વધારો થતો જોવા મળી રહ્યો છે.
તો બીજી તરફ હવામાન વિભાગના જણાવ્યા પ્રમાણે ઉત્તર ભારતના પહાડી વિસ્તારોમાં એક વાર ફરીથી વરસાદની સ્થિતિ સર્જાવા જઈ રહી છે. તો બીજી તરફ મેદાની વિસ્તારોમાં હાલમાં લોકોને ગરમીથી રાહત મળશે નહીં.
અન્ય તરફ પૂર્વોત્તર ભારતમાં પણ મોસમનો મિજાજ બદલાતો જોવા રહ્યો છે. અહીં અનેક વિસ્તારોમાં ભારે વરસાદની શક્યતા છે. તો બીજી તરફ રાજધાની દિલ્હી સહિત ઉત્તર ભારતના અનેક વિસ્તારોમાં ભયંકર ગરમી પડશે. તમને જણાવી દઈએ કે હાલમાં હિમાચલ પ્રદેશમાં સીઝનમાં ફેરફાર જોવા મળી રહ્યો છે.
દિલ્હીમાં 76 વર્ષનો રેકોર્ડ તૂટ્યો
તમને જણાવી દઈએ કે, દિલ્હીમાં હોળીના દિવસે સૌથી વધારે તાપમાન 40.1 ડિગ્રી સેલ્સિયસ નોંધાયું હતું. જે 76 વર્ષમાં માર્ચ મહિનામાં સૌથી વધારે હતું.
મોસમ વિભાગ અનુસાર ક્ષેત્રીય પૂર્વાનુમાન કેન્દ્રના પ્રમુખ કુલદીપ શ્રીવાસ્તવે કહ્યું કે સફદરજંગમાં વધુમાં વધુ તાપમાન 40.1 ડિગ્રી સેલ્સિયસ નોંધાયું હતું જે સામાન્યથી 8 ડિગ્રી વધુ હતું. દિલ્હીમાં 1973માં માર્ચમાં સૌથી વધુ તાપમાન 39.6 ડિર્ગી નોંધાયું હતું.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો. આ વેબસાઈટ પર આપેલી તમામ ન્યુઝ અને વાતો રિપોર્ટરે રિપોર્ટ કરેલા છે અથવા તો કોઈક સોર્સ ઉપરથી લેવામાં આવેલા છે કે જે દરેક લેખના અંતમાં આપેલો જ હોય છે. અમારો પ્રયત્ન તમને શ્રેષ્ઠ માહિતી સતત પહોંચાડવાનો છે અને રહેશે. આ ન્યુઝ તથા અન્ય વાતોની જવાબદારી જે-તે લેખક (રિપોર્ટર) તથા સોર્સની રહેશે ન્યુઝ ગુજરાત વેબસાઈટ કે પેજની રહેશે નહીં. આપણું પેજ “ન્યુઝ ગુજરાત” માણતા રહો અને શેર કરતા રહો!
0 Response to "આકરો બન્યો ઉનાળો, આટલા દિવસ હિટવેવની છે આગાહી, જાણો કયા રાજ્યમાં થશે આની સૌથી વધારે અસર"
ટિપ્પણી પોસ્ટ કરો