‘તારક મહેતા’ શો માં થવા જઈ રહી છે રાકેશ બેદીની ધમાકેદાર એન્ટ્રી , જોવા મળશે આ કિરદારમાં
‘તારક મહેતા કા ઉલટા ચશ્માં’ ટીવીનો ખુબજ પ્રખ્યાત શો છે. ૨૦૦૮ માં શરુ થયેલ આ શો ને ચાલુ થયે ૧૨ વર્ષ થઇ ગયા છે. આટલા સમયમાં શો ના સ્ટારકાસ્ટમાં પણ સમયે સમયે બદલાવ જોવા મળ્યા છે. એમાં ક્યારેક કોઈ શો છોડીને ચાલી જાય છે, તો ક્યારેક શો માં નવી એન્ટ્રી થઇ જાય છે. આ કડીમાં શો માં ટીવીની દુનિયાના વરિષ્ઠ કલાકાર રાકેશ બેદીની એન્ટ્રી થવા જઈ રહી છે.
‘તારક મહેતા’ માં થશે રાકેશ બેદીની એન્ટ્રી
રાકેશ બેદીને આપણે બધા શ્રીમાન શ્રીમતી , યે જો હે જિંદગી, જબાન સંભાલ, યસ બોસ જેવા ઘણા ક્લાસિક શો માં દેખી ચુક્યા છે. એ ૧૯૮૧ માં આવેલી ફિલ્મ ‘ચશ્મે બદ્દૂર’ માં પણ જોવા મળ્યા હતા. હવે તાજા ખબર એવી આવી રહી છે કે એ જલ્દી જ સબ ટીવીના પ્રખ્યાત કોમેડી શો ‘તારક મહેતા’નો હિસ્સો બનવા જઈ રહ્યા છે. જોકે , ખબરોની માનીએ તો એ ફક્ત ગણતરીના એપિસોડમાં જ આવશે. એક પ્રકારે ‘તારક મહેતા’ માં એમનો કેમિયો રોલ હશે.
શૈલેશ લોઢાના બોસનો કિરદાર નિભાવશે
રાકેશ બેદી આ શો માં શૈલેશ લોઢાના બોસનો રોલ કરતા જોવા મળશે. રાકેશે આ વાતની માહિતી ખુદ જ આપી છે. એમણે જણાવ્યું કે ૧૪ ઓગસ્ટે એમનો સેટ પર પહેલો દિવસ હતો. એક મીડિયા ચેનલ સાથે વાતચીત દરમિયાન એમણે કહ્યું કે આ શો મને આજથી ૧૨ વર્ષ પહેલા પણ ઓફર કરાયો હતો. ત્યારે પણ મને શૈલેશ લોઢાના બોસનો રોલ મળ્યો હતો. એ એક મુખ્ય રોલ જરૂર હતો પણ ત્યારે બધું સારી રીતે થયું નહિ. ત્યારે આ શો જેઠાલાલ પર વધારે ફોકસ થતો હતો.
કોરોનાથી નથી ડરતા
રાકેશ કોરોના મહામારીના આ સમયમાં શુટ કરવા માટે માનસિક રીતે તૈયાર છે. એમનું કહેવું છે કે મને કોરોના મહામારીના આ સમયમાં બહાર નીકળવામાં ડર નથી લાગતો. જો આપણે બહાર નહિ નીકળીએ તો કેવી રીતે કામ ચાલશે? હમેશા ઘરે તો ના બેસી શકાય. આપણે માત્ર આપણા તરફથી સાવધાની વરતવાની જરૂર છે.
‘ભાભીજી ઘર પર હે’ માં પણ જોવા મળ્યા હતા
નોંધપાત્ર છે કે રાકેશ બેદી આ પહેલા એક અન્ય પ્રખ્યાત કોમેડી શો ‘ભાભીજી ઘર પર હે’ માં પણ જોવા મળી ચુક્યા છે. એ દરમિયાન પણ તેઓ ફક્ત કેટલાક એપિસોડમાં જ જોવા મળ્યા હતા. રાકેશ બેદીએ પોતાના સમગ્ર કરિયરમાં મોટાભાગે કોમેડી જ રોલ કર્યા છે. એવામાં એમને તારક મહેતા શો માં જોવા એક સારો અનુભવ રહેશે.
સોશ્યલ મીડિયા પર પણ છે એક્ટીવ
રાકેશ બેદી ૬૫ વર્ષની ઉંમરમાં પણ સોશ્યલ મીડિયા પર એક્ટીવ રહે છે. એ અવારનવાર પોતાના ફોટા અને વિડીયો શેર કરતા રહે છે. તો શું તમે એમને આ શો માં જોવા માટે ઉત્સાહિત છો? તમારા જવાબ તમને કમેન્ટમાં ચોક્કસ જણાવજો.
0 Response to "‘તારક મહેતા’ શો માં થવા જઈ રહી છે રાકેશ બેદીની ધમાકેદાર એન્ટ્રી , જોવા મળશે આ કિરદારમાં"
ટિપ્પણી પોસ્ટ કરો