“સાથ નિભાના સાથિયા”ની રાશિ આજે જીવે છે કંઇક આવી જીંદગી, જોઇ લો તસવીરોમાં તમે પણ
મિત્રો, વર્ષ ૨૦૨૦મા થયેલા લોકડાઉનના કારણે ઘણા બધા લોકો તેમના ઘરોમા કેદ થઈ ગયા હતા. આ સમયે અનેકવિધ લોકો બેરોજગાર બન્યા હતા. આ સમય દરમિયાન લોકોના મનોરંજન માટે રામાયણ ફરી એકવાર દૂરદર્શન પર ટેલિકાસ્ટ કરવામાં આવી હતી. કોઈને પણ અપેક્ષા નહી હોય કે, આ રામાયણ આ સમયે ટી.આર.પી. ના તમામ રેકોર્ડ તોડી નાખીને એક નવો વિક્રમ સર્જશે.
તેની સફળતા જોઈને અન્ય ખાનગી ચેનલ દ્વારા પણ ટેલીવિઝન પર પોતાના જુના શો બીજી વખત બતાવવાનુ શરૂ કર્યુ. આ સમયે એક શો નો સંવાદ ખૂબ જ પ્રખ્યાત બન્યો હતો. અમે અહી વાત કરી રહ્યા છીએ સ્ટાર પ્લસ ચેનલ પર ખુબ જ લોકપ્રિય બનેલી સિરિયલ ‘સાથ નિભાના સાથિયા’ વિશે. આ શો ના ડાયલોગનો વીડિયો હાલ થોડા સમય પહેલા જ સોશિયલ મીડિયા ખુબ જ વાયરલ થયો હતો અને આ સીરીયલના ચાહકોને ભરપૂર મનોરંજન મળ્યુ હતુ.
આ વાયરલ વીડિયોમા આ ટીવી સીરિયલનુ એક મહત્વપૂર્ણ પાત્ર રાશી મોદી એટલે કે અભિનેત્રી રૂચા હસબનીસ પણ જોવા મળી હતી. આ શો મા તેમની ભૂમિકા ખુબ જ મહત્વની હતી. આજે તે ૩૩ વર્ષની છે. તેણીનો જન્મ ૮ ફેબ્રુઆરી, ૧૯૮૮ના રોજ મુંબઇમા થયો હતો.
તેણીએ વર્ષ ૨૦૦૯મા મરાઠી ટીવી સિરીઝ ‘ચૌર ચૌગી’ થી તેની કારકિર્દીની શરૂઆત કરી હતી પરંતુ, વર્ષ ૨૦૧૦મા સ્ટાર પ્લસ પર શરૂ થયેલા શો ‘સાથ નિભાના સાથિયા’ થી તેને ઘરે-ઘરે ઓળખ મળી. તમને જણાવી દઈએ કે, તેણી છેલ્લે વર્ષ ૨૦૧૩મા નચ બલિયેની સીઝન-૬ મા જોવા મળી હતી.
આમાં તેણે વિશાલ સિંહ સાથે ડાન્સ પરફોર્મન્સ આપ્યો હતો. ટીવી પરથી ડેઇલી સોપની દુનિયાને અલવિદા કહી દીધા બાદ તેણીએ ૨૬ જાન્યુઆરી, ૨૦૧૫ ના રોજ બોયફ્રેન્ડ રાહુલ જગદલ સાથે લગ્ન કર્યાં હતા. આ બંનેના લગ્ન મહારાષ્ટ્રિયન રીતી-રિવાજો સાથે થયાં હતાં.
લગ્નના ચાર વર્ષ પછી જ તેણીએ ડિસેમ્બર ૨૦૧૯મા એક ખુબ જ સુંદર પુત્રીને જન્મ આપ્યો. તેણી તેની ગર્ભાવસ્થા દરમિયાન પોતાની એક-એક તસવીર શેર કરતી હતી. માતા બન્યાની ખુશી તેણે સોશિયલ મીડિયા પર સૌ કોઈ સાથે શેર કરી હતી. ફોટો શેર કરતી વખતે તેણે કેપ્શન માં લખ્યું હતું, અમારી ખુશી ૧૦/૧૨/૧૯ ના રોજ આવી. તે મારી આ બેબી ગર્લ છે.
જ્યારે આ અભિનેત્રીએ આ શો છોડ્યો હતો ત્યારે શોની ટીઆરપી ઘણી વધારે હતી. તેણીએ તેના નવા અભ્યાસને આગળ વધારવા માટે આ શો છોડી દીધો. આજે તે પોતાના પતિ સાથે ખુશહાલ જીવન જીવી રહી છે.
0 Response to "“સાથ નિભાના સાથિયા”ની રાશિ આજે જીવે છે કંઇક આવી જીંદગી, જોઇ લો તસવીરોમાં તમે પણ"
ટિપ્પણી પોસ્ટ કરો