કુંભના શાહી સ્નાન પર ટ્વીટ કરીને આ અભિનેતાને મોંઘુ પડ્યું, લોકોએ ગાળો ભાંડી અને જાનથી મારી નાખવાની ધમકી આપી
ટીવી અભિનેતા કરણ વાહીને હરિદ્વારમાં ચાલી રહેલા કુંભ મેળા પર એક પોસ્ટ શેર કર્યા પછી નફરતનાં મેસેજ અને મોતની ધમકી મળી રહી છે. અભિનેતાએ પોતે આ વિશે માહિતી આપી છે. કરણે વાહીએ જણાવ્યું હતું કે તેઓ કોવિડ -19 રોગચાળા વચ્ચે કુંભ મેળામાં નગા સાધુઓ વિશે સોશિયલ મીડિયા પોસ્ટ કર્યા બાદ અપમાનજનક મેસેજો મેળવી રહ્યો છે અને જાનથી મારી નાખવાની ધમકીનો પણ સામનો કરી રહ્યો છે.
તેણે યુઝર્સ તરફથી મળેલા મેસેજીસના સ્ક્રીનશોટ શેર કર્યા છે. ઘણા ઇન્સ્ટાગ્રામ યુઝર્સે તેમના પર ‘હિન્દુ ભાવનાઓને ઠેસ પહોંચાડવાનો’ આરોપ લગાવ્યો હતો. તેમણે લખ્યું, હતું કે શું નાગા બાબાઓ માટે વર્ક ફ્રોમ હોમનું કલ્ચર નથી? જેવી રીતે ગંગામાંથી પાણી લઇ ઘરે જઈને સ્નાન કરી લે. ઉલ્લેખનીય છે કે ઉત્તરાખંડમાં ચાલી રહેલા મહાકુંભમાં કોરોના વિસ્ફોટ થયો છે. અહીં 102 યાત્રાળુઓ અને 20 સાધુઓ કોરોના ચેપ લાગ્યાં છે. મેળામાં ઘણા ધાર્મિક સંગઠનના વડાઓએ કોરોના ટેસ્ટ કરવાનો પણ ઇનકાર કર્યો હતો.
નાગા બાબાઓ અને કુંભ મેળા અંગેની તેમની ટિપ્પણીને સોશિયલ મીડિયા પર લોકો પસંદ નહોતી કરી. લોકોએ તેના પર ‘હિન્દુ ભાવનાઓને ઠેસ પહોંચાડવાનો’ આરોપ લગાવ્યો હતો. ઘણા લોકોએ અપશબ્દો બોલીને જાનથી મારી નાખવાની ધમકી આપી હતી. ઉલ્લેખનીય છે કે કરણ વાહી આજે ટીવી ઇન્ડસ્ટ્રીના ટોપ સ્ટાર્સમાંના એક છે.
તેની પાસે માત્ર અભિનયની જ કુશળતા છે એવું નથી, પરંતુ તે એક મહાન ક્રિકેટર અને ઉદ્યોગપતિ પણ રહી ચુક્યો છે. કરણ વાહી હંમેશા તેની એક્ટિંગને લઈને ચર્ચામાં રહે છે. તેમની એક્ટિંગને વેબ સિરીઝ હેન્ડ્રાન્ડમાં પણ પસંદ કરવામાં આવી હતી.
ઉલ્લેખનીય છે કે હરિદ્વારના કુંભમેળામાં સામાજિક અંતરના તમામ નિયમોનો ભંગ કરવામાં આવી રહ્યો છે. બોલિવૂડના નિર્માતા અને દિગ્દર્શક રામ ગોપાલ વર્માએ તેના પર નારાજગી વ્યક્ત કરતાં સખત પ્રતિક્રિયા આપી છે. કુંભ મેળાની તસવીર તેમના ટ્વિટર પર શેર કરતા રામ ગોપાલ વર્માએ લખ્યું કે, ‘તમે જે જોઇ રહ્યા છો તે કુંભ મેળો નહીં પણ કોરોના એટમ બોમ્બ છે … મને આશ્ચર્ય છે કે આ વાયરલ એક્સપ્લોજન માટે કોણ જવાબદાર રહેશે.’આ અગાઉ પણ તેમણે એક ટ્વિટમાં લખ્યું હતું – ‘બધાઇ હો ભારત, લોકડાઉનને હવે’ બ્રેક ધ ચેઇન ‘નામ આપવામાં આવ્યું છે … વાહ, અને દરેકને આ કાયદાકીય ચેતવણી સાથે આ નામકરણ સમારોહમાં બોલાવવામાં આવ્યા છે કે કુંભથી પાછા ફરનારાઓ મેળામાં માસ્ક પહેરવાની જરૂર નથી કારણ કે તેઓએ પહેલાથી ગંગામાં વાયરસ ધોઇને આવ્યા છે.
0 Response to "કુંભના શાહી સ્નાન પર ટ્વીટ કરીને આ અભિનેતાને મોંઘુ પડ્યું, લોકોએ ગાળો ભાંડી અને જાનથી મારી નાખવાની ધમકી આપી"
ટિપ્પણી પોસ્ટ કરો