CIDના કલાકારો એક એપિસોડની લેતા હતા આટલી બધી ફી, જાણો ફ્રેડ્રિક્સથી લઈને દયા સુધીના કલાકારોની ફી
સીઆઈડી એક એવો શો હતો જેણે માત્ર લોકોને મનોરંજન જ ન આપ્યું પરંતુ તે ઘણા લોકો માટે પ્રેરણા પણ બન્યો. બાળકોથી લઈને વડીલો સુધીના દરેક પ્રેક્ષકોએ આ શોની ખૂબ પ્રશંસા કરી. શોના દરેક પાત્રને લોકોનો ઘણો પ્રેમ મળ્યો. ભારતીયો માટે, આ શો રોમાંચક અને ક્રાઈમ શોનું પહેલું પગલું હતું. 1998 માં શરૂ થયેલા આ શોએ 22 વર્ષથી તેના પ્રેક્ષકોનું મનોરંજન કર્યું છે. આ શો એર ઓફ થતાતાં ચાહકો એકદમ નિરાશ થયા હતા. સીઆઈડીએ લોકોના દિલમાં તેમજ લોકોના ઘરોમાં વિશેષ સ્થાન બનાવ્યું હતું. તેમાં 1000 થી વધુ એપિસોડ્સ છે.
સીઆઈડીના દરેક પાત્ર આટલી ફી લે છે
જ્યારે કોઈ સિરીયલ ટેલિવિઝન પર આવે છે, ત્યારે ફક્ત તેની મુખ્ય કાસ્ટને ઓળખ મળે છે, પરંતુ આ શોમાં આવું નથી. કારણ કે આ ક્રાઇમ શો ઘરે ઘરે દરેક પાત્રને એક અલગ ઓળખ આપે છે. એસીપી પ્રદ્યુમ્ન, દયા, અભિજિત, ડો.સાલુન્કેથી માંડીને દરેક પાત્ર ઘરે ઘરે પ્રખ્યાત છે. આ શો એટલો આશ્ચર્યજનક હતો કે આજે પણ આ શો યાદ આવે છે અને સોશિયલ મીડિયા પર તેમના પાત્રો પર ઘણા મિમ્સ છે. આજે અમે તમને આ લેખમાં જણાવવા જઈ રહ્યા છીએ કે ઘરે ઘરે પ્રખ્યાત થયેલા આ શોના પાત્રો કેટલી ફી લેતા હતા.
એસીપી પ્રદ્યુમ્ન
એસીપી પ્રદ્યુમ્નની ભૂમિકા નિભાવનાર અભિનેતા શિવાજી સાતમ ઘણી ટેલિવિઝન સિરિયલ અને ફિલ્મોનો ભાગ રહ્યા છે. પરંતુ એસીપી પ્રદ્યુમ્ન બનીને તેને ઘરે ઘરે ઓળખ મળી છે. આ શોમાં તેણે મુખ્ય પાત્ર ભજવ્યું હતું. અભિનેતાએ આ શો માટે ભારે ફી લીધી હતી. શિવાજી સાતમ દરેક એપિસોડમાં 1 લાખ રૂપિયા લેતા હતા.
દયા
દયાની ભૂમિકા ભજવનાર અભિનેતાનું અસલી નામ દયાનંદ શેટ્ટી છે. પરંતુ તે દયા તરીકે દરેક ઘરમાં પ્રખ્યાત છે. સીઆઈડીમાં દયાએ ખૂબ મહત્વની ભૂમિકા ભજવી હતી. શોમાં લાંબી ઉંચાઈ ધરાવતા દયાએ ઘણા દરવાજા તોડી નાખ્યા હતા. આજે પણ જ્યારે પણ તે કોઈ ફિલ્મ કે શોમાં દેખાય છે ત્યારે તેના પાત્રની બધી યાદો લોકોના મનમાં તાજી થઈ જાય છે. દયાએ રોહિત શેટ્ટીની સિંઘમ 2 માં દયાની ભૂમિકા પણ નિભાવી છે. દરવાજો તોડવામાં નિષ્ણાંત એવા ઇન્સ્પેક્ટર દયા એક એપિસોડ માટે આશરે 80 હજારથી 1 લાખ રૂપિયા લેતા હતા.
અભિજિત
એસીપી પ્રદ્યુમ્ન પછી, જો આ શોમાં એક સૌથી વધુ મગજવાળુ પાત્ર છે તો તે અભિજિત છે. આ શોમાં આદિત્ય શ્રીવાસ્તવે ઇંસ્પેક્ટર અભિજિતની ભૂમિકા નિભાવી હતી. આદિત્ય શ્રીવાસ્તવ એક ટેલિવિઝન, ફિલ્મ અને થિયેટર કલાકાર છે. તેણે બ્લેક ફ્રાઇડે, સત્ય, ગુલાલ અને લક્ષ્ય સહિતની અનેક ફિલ્મોમાં કામ કર્યું છે. સીઆઈડીમાં કામ કરવા માટે, અભિજિત ઉર્ફે આદિત્ય દર એપિસોડમાં આશરે 80 હજારથી 1 લાખ રૂપિયા લેતો હતો.
તારિકા ડો
આ શોમાં આજકાલ ડો. સાલુંકેની આસિસ્ટેંટ ડો, તારીકાની ભુમિકા નિભાવનાર શ્રદ્ધા મસુલેને સૌ કોઈ જાણે છે. શ્રદ્ધા મસુલે વ્યવસાયે એક મોડેલ તેમજ ટેલિવિઝન અભિનેત્રી છે. તેમણે સીઆઈડીમાં સહાયકની ભૂમિકા ભજવી હતી. શ્રદ્ધા મસુલે એક એપિસોડ માટે 40 હજાર લેતી હતી.
ડો. સાલુન્કે
ડો. સાલુન્કે એ એક એવુ પાત્ર છે, જેનું મગજ સીઆઈડીમાં એસીપી પ્રદ્યુમ્ન કરતા ઝડપી ચાલે છે. શોમાં તે માત્ર ડોક્ટર જ નહીં પરંતુ એસીપી પ્રદ્યુમનનો મિત્ર પણ બન્યો હતો, જે શોમાં તેને ઘણી વાર ઠપકો આપતો જોવા મળ્યો હતો. આ પાત્ર નરેન્દ્ર ગુપ્તાએ આ શોમાં ભજવ્યો હતુ અને તે એક એપિસોડ માટે 40 હજાર લેતો હતો. તમને જણાવી દઈએ કે તેની ત્રણેય પુત્રી અદિતિ ગુપ્તા, મેઘા ગુપ્તા અને આમ્રપાલી ગુપ્તા ત્રણેય ટેલિવિઝન અભિનેત્રીઓ છે.
ફ્રેડ્રિક્સ
આ શોમાં તેની કોમેડીથી ફ્રેડ્રિક્સે બધાને હસાવ્યા છે. ફ્રેડેરિક્સની ભૂમિકા ભજવનાર દિનેશ ફડનીસ, શોમાં ખૂબ કન્ફ્યૂઝ જોવા મળે છે. આપણે જણાવી દઈએ કે ટેલિવિઝન સિવાય દિનેશે આમિર ખાનની ઘણી ફિલ્મોમાં કામ કર્યું હતું. તેણે આમિરની ફિલ્મ સરફરોશ અને મેલામાં મહત્વપૂર્ણ ભૂમિકા ભજવી હતી. ફ્રેડ્રિક્સ એક એપિસોડ માટે 70-80 હજાર રૂપિયા લેતો હતો.
0 Response to "CIDના કલાકારો એક એપિસોડની લેતા હતા આટલી બધી ફી, જાણો ફ્રેડ્રિક્સથી લઈને દયા સુધીના કલાકારોની ફી"
ટિપ્પણી પોસ્ટ કરો