જરાય માણસાઈ રાખ્યા વગર પોલીસે પિતાને માર માર્યો, બાળક ખોળામાં રડતો રહ્યો, છતાં ખાખીને દયા જેવું કંઈ ન આવ્યું
ઉત્તર પ્રદેશના કાનપુર ગ્રામ્ય વિસ્તારમાંથી પોલીસ દ્વારા કરવામાં આવતી ટોડ-ફોડનો એક વીડિયો સામે આવ્યો છે. આ વીડિયોમાં એક પોલીસકર્મી એક વ્યક્તિ પર લાકડીઓ વરસાવી રહ્યો છે અને જેની સાથે આ શરમજનક કૃત્ય થયું છે તેના ખોળામાં એક બાળક રડી રહ્યો છે.
એક મિનિટથી પણ ઓછા સમયના આ વીડિયોમાં જોઈ શકાય છે કે જે વ્યક્તિને માર મારવામાં આવતો હતો, તે પોલીસને વારંવાર અપીલ કરી રહ્યો હતો કે બાળકને લાગી જશે, તમે મારશો નહીં, પરંતુ પોલીસકર્મી તે માનવા તૈયાર નહોતો. સોશિયલ મીડિયા પર વાયરલ થયેલા આ વીડિયો પર યુપી પોલીસની આકરી ટીકા થઈ રહી છે.
જણાવવામાં આવી રહ્યું છે કે લાકડીઓનો ઉપયોગ કરનાર SHOને સસ્પેન્ડ કરવામાં આવ્યો છે. જો કે, પોલીસે તેમના ખુલાસામાં કહ્યું છે કે જે વ્યક્તિને માર મારવામાં આવ્યો છે તે અને તેનો ભાઈ હોસ્પિટલમાં અરાજકતા પેદા કરી રહ્યા હતા. આ સાથે જ બીજેપી સાંસદ વરુણ ગાંધીએ પણ આ મામલો ઉઠાવ્યો છે. વરુણે ટ્વીટ કરીને કહ્યું છે કે મજબૂત કાયદો અને વ્યવસ્થા એ છે જ્યાં સૌથી નબળાને ન્યાય મળી શકે. એવું નથી કે ન્યાય માંગનારાઓને ન્યાયની જગ્યાએ મારનો સામનો કરવો પડે, આ ખૂબ જ પીડાદાયક છે. ભયભીત સમાજ કાયદાના શાસનનું ઉદાહરણ નથી. મજબૂત કાયદો અને વ્યવસ્થા એ છે જ્યાં પોલીસનો નહીં પણ કાયદાનો ડર હોય.
सशक्त कानून व्यवस्था वो है जहां कमजोर से कमजोर व्यक्ति को न्याय मिल सके।
यह नहीं कि न्याय मांगने वालों को न्याय के स्थान पर इस बर्बरता का सामना करना पड़े,यह बहुत कष्टदायक है।भयभीत समाज कानून के राज का उदाहरण नहीं है।
सशक्त कानून व्यवस्था वो है जहां कानून का भय हो,पुलिस का नहीं। pic.twitter.com/xoseGpWzZH
— Varun Gandhi (@varungandhi80) December 10, 2021
જિલ્લા હોસ્પિટલના કર્મચારીઓના વિરોધને લઈને પોલીસે આ લાઠીચાર્જ કર્યો હતો. કર્મચારીઓ હોસ્પિટલની બાજુમાં ચાલી રહેલા ખોદકામનો વિરોધ કરી રહ્યા હતા કારણ કે તેની માટી ઉડીને આખી હોસ્પિટલ ભરાઈ રહી હતી. પરંતુ આ દરમિયાન પોલીસે કરેલી કાર્યવાહી પર ગંભીર સવાલો ઉભા થયા છે.
આ દરમિયાન એક કર્મચારી રજનીશને માર મારતા પોલીસ સ્ટેશન લઈ ગયો. એસડીએમ વાગીશ શુક્લાનો આરોપ છે કે કર્મચારીઓ સવારથી જ હોસ્પિટલમાં પ્રદર્શન કરી રહ્યા હતા. ગેટ બંધ હતા. તેથી જ એક કર્મચારી રજનીશ પકડાયો છે. એસડીએમ એ એવું જણાવ્યું કે ક્યાંય લાઠીચાર્જ થયો જ નથી.
વહીવટીતંત્રનો આરોપ છે કે દર્દીઓને હોસ્પિટલ સ્ટાફ સાથે સમસ્યા હતી. આવી સ્થિતિમાં તેમને હટાવવાની જવાબદારી પ્રશાસન અને પોલીસની હતી. પોલીસના જણાવ્યા અનુસાર, પ્રદર્શનકારીઓને પહેલા વાટાઘાટો દ્વારા દૂર જવા માટે કહેવામાં આવ્યું હતું, પરંતુ જ્યારે વાત ન બની તો તેમના પર લાઠીચાર્જ કરવામાં આવ્યો. આ દરમિયાન પોલીસ દોડી ગઈ હતી અને જિલ્લા હોસ્પિટલના સ્ટાફ લીડર રજનીશ શુક્લાને માર માર્યો હતો અને તેને પોલીસ વાનમાં લઈ ગયા હતા.
0 Response to "જરાય માણસાઈ રાખ્યા વગર પોલીસે પિતાને માર માર્યો, બાળક ખોળામાં રડતો રહ્યો, છતાં ખાખીને દયા જેવું કંઈ ન આવ્યું"
ટિપ્પણી પોસ્ટ કરો