16 લાખની નોકરી છોડી આ યુવાને કરી ઓર્ગેનિક ખેતી, હવે કમાય છે વર્ષે 25 લાખ
ઓડિશાના સંબલપુર જીલ્લાના રહેવાસી સંદીપ ખંડેલવાલએ સિમ્બાયોસીસ ઇન્સ્ટિટયૂટ ઓફ બિઝનેસ મેનેજમેન્ટ પુણેથી એમબીએ કર્યું છે. અભ્યાસ પૂરો થતાં જ તેણે મલ્ટીનેશનલ કંપનીમાં નોકરી કરવાનું શરૂ કર્યું. બેંગલુરુ અને પુણેમાં લગભગ આઠ વર્ષ સુધી કોર્પોરેટ સેકટરમાં કામ કર્યું. કોર્પોરેટ સેકટરમાં ટોચે પહોંચનારા પૈકી અમુક લોકોમાં જ એવું સાહસ હોય છે કે તેઓ પોતાના ગામ પાછા ફરી શકે. પરંતુ સંદીપ ખંડેલવાલે 16 લાખ રૂપિયાની નોકરી છોડીને પોતાના ગામ પરત આવી ખેતીવાડી શરૂ કરી.
નોકરીના સમય દરમિયાન સંદીપને એવો અનુભવ થયો કે તે જે કંઈ કરી રહ્યો છે તે બધા પોતાના માટે કરે છે બીજા લોકો માટે તે કંઈ પણ નથી કરી રહ્યો. અને ત્યારબાદ તેને પોતાના ગામ અને સમાજ માટે કઈંક કરવાનો વિચાર આવ્યો. સંદીપ પોતાના ગામ માટે કઈંક એવું કરવા માંગતો હતો જેનાથી અન્ય લોકોના જીવન સારા બની શકે. ઘણો વિચાર કર્યા બાદ સંદીપે પોતાના ગામ જઈને પ્રોફેશનલ રીતે ખેતીવાડી કરવાનો નિર્ણય કર્યો જેથી ગામલોકોને પણ રોજીરોટી મળી શકે.
વર્ષ 2014 માં તે પોતાના મૂળ ગામે પરત ફર્યો અને ઓર્ગેનિક ખેતી કરવાનું કામ આરંભ કર્યું. શરૂઆતમાં સંદીપના કુટુંબીજનો તેના આ નિર્ણયથી નારાજ થયા.
શરૂઆતના બે થી અઢી વર્ષ તો ખેતરને જૈવિક રીતે તૈયાર કરવામાં અને ખેતીકામ શિખવામાં જ વીતી ગયા. સંદીપે તેના માટે અનેક જગ્યાએ જઈને ઓર્ગેનિક ફાર્મિંગની ટ્રેનિંગ લીધી. લગભગ અઢી વર્ષ બાદ તેણે ધીમે ધીમે પોતાની ખેતી વધારવાનું કામ શરૂ કર્યું.
ઉલ્લેખનીય છે કે સંદીપ સાતથી આઠ એકરમાં જૈવિક રીતે ખેતીવાડી કરે છે અને સાથે જ તે બકાલુ અને ફૂલ પણ ઉગાડે છે. બીજી બાજુ તેણે બે એકરમાં મરચા વાવ્યા છે અને તેમાંથી તે વર્ષની 500 કવીંટલ લીલા મરચાનો પાક ઉગાડે છે. સંદીપે પોતાના ફાર્મમાં લગભગ 20 લોકોને કામે રાખ્યા છે અને આ બધા કાયમી કર્મચારીઓ છે. સંદીપ આ જૈવિક ખેતી દ્વારા વર્ષે 25 લાખ રૂપિયા કમાણી કરી લે છે.
ખેતી અને લોકોને રોજગાર આપવાની સાથે સાથે સંદીપે પોતાના ગામના બાળકોને શિક્ષણ મળે તે માટે Eduventive ના નામથી એક પહેલ શરૂ કરી છે. તેના દ્વારા બાળકોને એકેડેમીક શિક્ષણ તથા સાંસ્કૃતિક કલામાં આગળ વધારવામાં મદદરૂપ બની શકે. સંદીપ ખંડેલવાલની આ જીવનગાથા અનેક લોકો માટે પ્રેરણારૂપ બની શકે તેમ છે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.
નોંધ – દરેક ફોટો પ્રતીકાત્મક છે (ફોટો સોર્સ : ગુગલ)
આ વેબસાઈટ પર આપેલી તમામ ન્યુઝ અને વાતો રિપોર્ટરે રિપોર્ટ કરેલા છે અથવા તો કોઈક સોર્સ ઉપરથી લેવામાં આવેલા છે કે જે દરેક લેખના અંતમાં આપેલો જ હોય છે. અમારો પ્રયત્ન તમને શ્રેષ્ઠ માહિતી સતત પહોંચાડવાનો છે અને રહેશે. આ ન્યુઝ તથા અન્ય વાતોની જવાબદારી જે-તે લેખક (રિપોર્ટર) તથા સોર્સની રહેશે ન્યુઝ ગુજરાત વેબસાઈટ કે પેજની રહેશે નહીં.
આપણું પેજ “ન્યુઝ ગુજરાત” માણતા રહો અને શેર કરતા રહો!
આપના સહકારની આશા સહ,
ટીમ ન્યુઝ ગુજરાત
0 Response to "16 લાખની નોકરી છોડી આ યુવાને કરી ઓર્ગેનિક ખેતી, હવે કમાય છે વર્ષે 25 લાખ"
ટિપ્પણી પોસ્ટ કરો