સુશાંતની ક્લોઝ કૃતિ સેનને હવે છેક સુશાંત સિંહના મોત પર મૌન તોડ્યું, કહ્યું-મને ખબર હતી કે એ સમયે….
ગત વર્ષે જૂનમાં સુશાંત સિંહ રાજપૂતનાં મોત પર આખો દેશ બોલી રહ્યો હતો ત્યારે અભિનેતાની એક નિકટની મિત્ર કૃતિ સેનન મૌન હતી. ત્યારે લોકોનું ધ્યાન આ મૌન પર ગયું હતું. અભિનેત્રીના મૌન પર લોકોએ સવાલો ઉઠાવ્યા હતા. સુશાંતને નવ મહિનાં થયા છે હવે કૃતિએ આ મામલે પોતાની પ્રતિક્રિયા આપી છે.
કૃતિએ ચાહકોને મૌન રહેવાનું કારણ કહ્યું કે તે સમયે ખૂબ અવાજ થતો હતો અને હું તે અવાજનો ભાગ બનવા માંગતી ન હતી. એક સમય હતો જ્યારે ખૂબ જ નકારાત્મકતા ફેલાઈ હતી અને હું તે નકારાત્મકતાનો ભાગ બનવા માંગતી નથી. તે આગળ કહે છે, ‘મને ખબર હતી કે તે સમયે હું શું અનુભવતી હતી અને હું તેને મારી અંદર રાખવા માંગું છું. મને યોગ્ય લાગ્યું નથી કે મારે જે અનુભવું છે તે મારે કોઈને કહેવું જોઈએ. આ સિવાય તમારે જે કહેવું છે તે તમે સોશિયલ મીડિયા પર કહી શકો છો. તમે ત્યાં લખીને પોતાને વ્યક્ત કરી શકો છો.
તે સમયે કૃતિની સોશિયલ મીડિયા પોસ્ટ એકદમ વાયરલ થઈ ગઈ હતી. સુશાંતના મૃત્યુ પછી, કૃતિએ સોશિયલ મીડિયા પર લખ્યું, ‘સુશ… હું જાણું છું કે તમારું તેજસ્વી મન જ તમારો સાચો મિત્ર હતો અને તમારો સૌથી મોટો દુશ્મન પણ એ જ હતો. પણ મને એ જાણીને ખૂબ દુખ થયું છે કે તમને જીવવા કરતાં મરી જવું સહેલું લાગ્યું છે. હું ઈચ્છું છું કે તે સમયે તમારી સાથે કોઈ હોવું જોઈતું હતું જે તમને સમજાવે. હું ઈચ્છું છું કે હું તમારી અંદર જે તૂટી ગયું હતું તે ઉમેરી શકું અને તેને હંમેશ માટે જીવંત રાખી શકું.
વર્કફ્રન્ટની વાત કરીએ તો ક્રૃતિ પાસે આ સમયે ઘણી ફિલ્મો છે. થોડા દિવસો પહેલા તેણે બચ્ચન પાંડેનું શૂટિંગ પૂરું કર્યું છે, જેમાં અક્ષય કુમાર તેની સાથે મુખ્ય ભૂમિકામાં જોવા મળ્યો છે. હાલમાં તે ભેડિયા ફિલ્મનું શૂટિંગ કરી રહી છે. આ ફિલ્મમાં કૃતિની સાથે વરૂણ ધવન મુખ્ય ભૂમિકામાં છે.
આ સિવાય કૃતિ ટૂંક સમયમાં સુપરસ્ટાર પ્રભાસ અને સૈફ અલી ખાનની ફિલ્મ ‘આદિપુરુષ’માં જોવા મળશે. થોડા દિવસો પહેલા કૃતિએ ફિલ્મનો ભાગ બનવા પર એક પોસ્ટ કરી હતી. કૃતિએ લખ્યું, ‘નવી યાત્રાની શરૂઆત… આદિપુરુષ. આ ફિલ્મ ખૂબ જ ખાસ છે. હું આ જાદુઈ દુનિયામાં જોડાવા માટે રોમાંચિત અને ગર્વ અનુભવું છું. ‘
0 Response to "સુશાંતની ક્લોઝ કૃતિ સેનને હવે છેક સુશાંત સિંહના મોત પર મૌન તોડ્યું, કહ્યું-મને ખબર હતી કે એ સમયે…."
ટિપ્પણી પોસ્ટ કરો