બધા શુભ કાર્યો કરતા પહેલા શા માટે ગણપતિ બાપ્પાની પૂજા કરવામાં આવે છે
ભાદ્રપદ મહિનાના શુક્લ પક્ષની ચતુર્થી પર ગણેશ ચતુર્થીનો ઉત્સવ ખૂબ ધૂમધામથી ઉજવવામાં આવે છે. હિન્દુ કેલેન્ડર મુજબ આ વખતે આ તહેવાર 22 ઓગસ્ટે થી શરુ થઇ ગયો છે. આ દિવસે ભગવાન ગણેશનો જન્મ થયો હતો, તેથી આ દિવસને ગણેશની જન્મજયંતિ તરીકે ઉજવવામાં આવે છે. ભગવાન ગણેશ રિદ્ધિ-સિદ્ધિ અને શુભ લાભો સાથે બેસે છે. જે કાર્ય ગણેશજીની પૂજા-અર્ચનાથી શરૂ કરવામાં આવે છે તેમાં કોઈ વિઘ્ન કે અડચણ નથી આવતી. દરેક શુભ કાર્ય ગણેશજીની પૂજાથી શરૂઆત કરવામાં આવે છે. ચાલો આપણે જાણીએ કે કેવી રીતે ગણેશજી બધા દેવતાઓમાં પ્રથમ પૂજનીય બન્યા,
ગણેશ પ્રથમ પૂજનીય બન્યા તે વિશેની એક પૌરાણિક કથા છે, એકવાર તમામ દેવતાગણ પોતાની સમસ્યા લઈને ભગવાન શિવ પાસે ગયા હતા. સંજોગોવશાત્ તે સમયે ગણેશજી અને કાર્તિકેય પણ હાજર હતા. દેવતાઓમાં તેમની સમસ્યા શિવજી સામે મૂકી, જ્યારે શિવ ભગવાન ગણેશ અને કાર્તિકેય ને સામે પૂછ્યું કે આ સમસ્યા નું સમાધાન કોણ કરશે. બંને એક અવાજમાં સમસ્યા હલ કરવા માટે હા પડી દીધી. હવે સવાલ એ હતો કે બંનેમાંથી કોની વાતને માનવામાં આવે.
આના નિરાકરણ માટે, શિવજીએ ગણેશ અને કાર્તિકેય વચ્ચે એક સ્પર્ધાનું આયોજન કર્યું, શિવજીએ કહ્યું હતું કે, જે પહેલા પૃથ્વી અને આકાશની પરિક્રમા કરીને પાછા આવશે, તે સમસ્યા હલ કરશે અને શ્રેષ્ઠ કહેવાશે. કાર્તિકેયનું વાહન મોર હતું. તેઓએ વિચાર્યું કે તેઓ સરળતાથી ગણેશજી ની પહેલા આ કાર્ય પૂર્ણ કરી લઈશ. તે તરત જ પોતાના વાહન પર સવાર થઈને ચક્કર લગાવવાનું શરૂ કર્યું. પરંતુ ગણેશનું વાહન ઉંદર હતું. ત્યારબાદ ગણેશજીએ તેમની બુદ્ધી નો ઉપયોગ કર્યો અને માતા પાર્વતી-ભગવાન શિવની સાત પરિક્રમા કરીને ત્યાજ ઉભા રહી ગયા.
જ્યારે કાર્તિકેય પરિક્રમા પૂર્ણ કરીને પાછો આવ્યો, ત્યારેતેમણે વિચાર્યું કે તે ચોક્કસપણે તેઓ વિજેતા છે. ત્યારે ગણેશજીને ત્યાં ઉભેલા જોઈને તેમણે પર્શ્ન કર્યો કે તમે પરિભ્રમણ કરવા માટે કેમ ન ગયા, ગણેશજીએ જવાબ આપ્યો કે મેં તો પરિક્રમા કરી લીધી છે કારણ કે માતા આખી પૃથ્વી અને પિતાનું સ્થાન આકાશમાં સમાન હોય છે. આ જવાબ સાંભળીને શિવ ખૂબ પ્રસન્ન થયા, અને ગણેશજીને વિજેતા જાહેર કરાયા, અને દેવતાઓની સમસ્યા હલ કરવા આદેશ પણ આપ્યો. ત્યારથી, ગણેશને દરેક કાર્યમાં પ્રથમ પૂજનીય માનવામાં આવ્યાં હતાં. શિવજીએ આશીર્વાદ આપ્યા કે જે કોઈ પણ કાર્યમાં ગણેશજીની પૂજા સાથે કરશે, તેના કામમાં કોઈ અડચણ આવશે નહીં. આ રીતે, ગણેશ પોતાની બુદ્ધિની શક્તિના આધારે પ્રથમ પૂજનીય બન્યા.
0 Response to "બધા શુભ કાર્યો કરતા પહેલા શા માટે ગણપતિ બાપ્પાની પૂજા કરવામાં આવે છે"
ટિપ્પણી પોસ્ટ કરો