સુશાંત કેસમાં રિયા જેલમાં જતાં જ ૧૧ વર્ષ જૂની ટ્વીટ થઈ વાયરલ, ડ્રગને લઇ કરી હતી મોટી ભવિષ્યવાણી
૩ દિવસની સઘન તપાસ બાદ ડ્રગ કનેક્શન મામલે સુશાંત સિંહ રાજપૂત કેસમાં રિયા ચક્રવર્તીની ધરપકડ કરવામાં આવી છે. ત્યારબાદ રિયાની સુનાવણી ચાલી અને નિર્ણય આવ્યો કે હવે 14 દિવસ રિયા જેલમાં રહેશે. કોર્ટે રિયા ચક્રવર્તીને 14 દિવસની ન્યાયિક કસ્ટડીમાં મોકલી છે. એટલે કે રિયા ચક્રવર્તીને 22 સપ્ટેમ્બર સુધી હવે જેલની હવા જ ખાવાની રેહશે.
ત્યારે આ બધાની વચ્ચે હવે રિયાની 11 વર્ષની જૂની ટ્વીટ સોશિયલ મીડિયા પર વાયરલ થઈ રહી છે. જેના કારણે રિયા લોકોના નિશાને ચડી છે. પોતાના 11 વર્ષ પહેલાના આ ટ્વીટમાં અભિનેત્રી રિયા ચક્રવર્તી એક ડ્રગ એડિક્ટ મહિલાની વાર્તા જણાવી રહી છે, જેને તેના ડ્રગની લતને કારણે સાડા ચાર વર્ષની જેલની સજા ભોગવવી પડી હતી.
just stepped out of a weird scary engrossing story of an indian girl ….who served 4 n a half year jail sentence for narcotic trafikking,,
— Rhea Chakraborty (@Tweet2Rhea) November 19, 2009
રિયા તેને હોરર સ્ટોરી કહેતી જોવા મળી હતી. પરંતુ હવે ડ્રગ્સના કેસમાં રિયાની પોતાની જ ધરપકડ કરવામાં આવી છે, તેથી અભિનેત્રીનું આ ટ્વીટ ટ્વિટર પર સતત વાયરલ થઈ રહ્યું છે. ટ્વિટર પર લોકો પણ આ ટ્વિટને કારણે અભિનેત્રીને ખૂબ ટ્રોલ કરી રહ્યાં છે. પોતાની રીતે ટ્રોલારો મીમ બનાવીને પણ મજા લઇ રહ્યા છે.
રિયા ચક્રવર્તીએ પોતાના 11 વર્ષ જૂના ટ્વિટમાં લખ્યું છે કે – હું હમણાં જ એક ભારતીય છોકરીની ખૂબ અજીબ અને ડરામણી કહાની સાંભળીને બહાર આવી છું. જેમણે સાડા ચાર વર્ષ નાર્કોટિક્સ ટ્રેફિકિંગમાં સાડા ચાર વર્ષ જેલ ભોગવી હતી.
પરંતુ હવે રિયા ખુદ જેલ ભેગી થઈ છે. જણાવી દઈએ કે રિયા ચક્રવતીએ 19 નવેમ્બર 2009ના રોજ ડ્રગ્સ વિશે આ ટ્વીટ કર્યું હતું. પરંતુ હવે જ્યારે ડ્રગ્સના કેસમાં રિયા ખુદ એનસીબીની કસ્ટડીમાં છે ત્યારે આ ટ્વીટ સોશિયલ મીડિયા પર ચર્ચાનો વિષય બની ગયું છે. લોકો તેને રિયાના આ ટ્વિટ પર ટ્રોલ કરી રહ્યા છે અને તેમને અંતર્યામી અને ભવિષ્યવાણી કરનાર તરીકે કહી રહ્યા છે જે આ ઘટના પહેલા તેની આગાહી કરે છે.
બીજી મહત્વની વાત એ છે કે, સુશાંત સિંહ રાજપૂતના કેસમાં નાર્કોટિક્સ કંટ્રોલ બ્યુરો (એનસીબી)માં ડ્રગ્સનો એંગલ આવ્યા બાદ તપાસમાં અનેક મહત્વપૂર્ણ ખુલાસાઓ થતાં હાહાકાર મચી ગયો છે. કહેવામાં આવી રહ્યું છે કે, રિયાએ માત્ર આટલું જ નથી સ્વીકાર્યું કે તે ડ્રગ્સ લેતી હતી પરંતુ સાથે સાથે બોલિવૂડની અનેક મોટી હસ્તીઓના પણ નામ આપ્યા છે જે ડ્રગ્સ લેવામાં સામેલ હતા.
રિયાની એનસીબીની પૂછપરછના 3 દિવસમાં ધીરે ધીરે બોલિવૂડમાં ફેલાયેલ ડ્રગ્સની કડીઓ પણ જોવા મળી હતી. આ કેસના નજીકના સૂત્રોનું કહેવું છે કે રિયાએ પૂછપરછમાં 25 મોટા બોલિવૂડ સ્ટાર્સના નામ પણ આપ્યા છે, જે ડ્રગ્સ લેવામાં સામેલ હતા. હવે જોવાનું એ રહ્યું કે કેટલા લોકોની ધરપકડ થાય છે અને આગળ શું કાર્યવાહી થાય છે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.</span
0 Response to "સુશાંત કેસમાં રિયા જેલમાં જતાં જ ૧૧ વર્ષ જૂની ટ્વીટ થઈ વાયરલ, ડ્રગને લઇ કરી હતી મોટી ભવિષ્યવાણી"
ટિપ્પણી પોસ્ટ કરો