ફિલ્મ ઇન્ડસ્ટ્રીમાં અભિનયના નામે થાય છે ડ્રગ્સનો ધીકતો ધંધો, રિયા બાદ બીજી બે મોટી અભિનેત્રીની ધરપકડ
જ્યારથી સુશાંત કેસમાં ડ્રગ્સ એંગલ બહાર આવ્યો છે ત્યારથી જ બોલિવૂડ અને બીજી ઈન્ડસ્ટ્રીમાં તંત્રએ ભારે તપાસ હાથ ધરી છે. હવે રિયા ચક્રવર્તીની પણ ધરપકડ કરવામાં આવી છે. અને ૧૪ દિવસ જેલભેગી કરી દીધી છે.
ત્યારે એ સિવાય એક બીજા સમાચાર પણ મળી રહ્યા છે કે રિયા બાદ બીજી બે અભિનેત્રી પણ ડ્રગ મામલે દબોચાઈ ગઈ છે અને હજુ પણ તપાસ આગળ વધારવામાં આવી છે. એ સાથે જ બીજી બે અભિનેત્રી પણ મુશ્કેલીમાં મુકાઈ ગઈ છે. તાજેતરમાં આ કેસમાં કન્નડ અભિનેત્રી રાગિની દ્વિવેદીની ધરપકડ કરવામાં આવી હતી. હવે ડ્રગ્સના કેસમાં બીજી કન્નડ અભિનેત્રી સંજના ગલરાનીની ધરપકડ કરવામાં આવી છે.
સેન્ટ્રલ ક્રાઈમ બ્રાંચ દ્વારા મંગળવારે આ કાર્યવાહી કરવામાં આવી અને હાહાકાર મચી જવા પામ્યો હતો. સંજના ની ધરપડક મામલે જોઇન્ટ સી.પી. ક્રાઈમ સંદીપ પાટીલે જણાવ્યું હતું કે સેન્ટ્રલ ક્રાઈમ બ્રાંચ તેમને મેડિકલ ચેકઅપ માટે બેંગ્લોરની બોરિંગ હોસ્પિટલમાં લઈ ગઈ છે. ધરપકડ પહેલા સંજનાએ મેડિકલ ચેકઅપ કરાવ્યું હતું. સીસીબી ડીટેઇલ આ કેસમાં તપાસ કરી રહી છે. સેન્ટ્રલ ક્રાઈમ બ્રાંચના અધિકારીએ બેંગ્લોરના ઈંદિરાનગરમાં અભિનેત્રી સંજના ગલરાણીના ઘરે દરોડા પાડ્યા હતા. કથિત રૂપે મહિલા પોલીસ નિરીક્ષક સહિત આઠ પોલીસ અધિકારીઓ આજે સંજનાના ઘરે પહોંચ્યા હતા. ઉલ્લેખનીય છે કે સંજના સાઉથની એક હોટ મોડેલ છે અને કન્નડ ફિલ્મ ઈન્ડસ્ટ્રીમાં મોટું નામ છે.
કોણ છે સંજના
સંજના ગલરાની વિશે વધારે માહિતી પ્રાપ્ત થઇ રહી છે કે, તેણે તમિલ ફિલ્મ ઓરૂ કદલ સેવીરથી ફિલ્મોમાં પોતાના કરિયરની શરૂઆત કરી હતી. તેમજ કન્નડ ફિલ્મ ‘ગંદા હેન્તાથી’ માં પણ કામ કર્યું છે. સંજના ગલરાનીને તેની અભિનયના કારણે ઘણી વાર એવોર્ડ મળ્યા છે. મોટા પડદા સિવાય તે નાના પડદાનો પણ એક ભાગ રહી ચુકી છે. તે વર્ષ 2013 માં કન્નડ રિયાલિટી શો ‘બિગ બોસ’માં પણ જોવા મળી હતી.
કોણ છે રાગિની
રાગિની દ્વિવેદી એક સમયે કન્નડ ફિલ્મોની મોટી સ્ટાર હતી. હવે બેંગ્લોર પોલીસની સેન્ટ્રલ ક્રાઈમ બ્રાંચ તેમની સાથે ડ્રગ ડીલરોના સંબંધની તપાસ કરી રહી છે. તેના મિત્ર અને સરકારી કર્મચારી રવિની ધરપકડ કર્યા પછી, રાગિનીને ક્રાઈમ બ્રાંચ દ્વારા બોલાવવામાં આવી હતી, પરંતુ રાગિની આવી નહોતી. તેમણે ટ્વીટ કરીને થોડો સમય માંગ્યો હતો. તેમણે લખ્યું, ‘એક જવાબદાર નાગરિક તરીકે, મારી ફરજ છે કે ક્રાઈમ બ્રાંચની તપાસમાં સહકાર આપું, હું કાંઈ પણ છુપાવવા માંગતી નથી.
બોલિવૂડના ૨૫ માથા પર ધરપકડની લટકતી તલવાર
સુશાંત સિંહ રાજપૂતના કેસમાં નાર્કોટિક્સ કંટ્રોલ બ્યુરો (એનસીબી)માં ડ્રગ્સનો એંગલ આવ્યા બાદ તપાસમાં અનેક મહત્વપૂર્ણ ખુલાસા કરવામાં આવી રહ્યા છે. કહેવામાં આવી રહ્યું છે કે, રિયા ચક્રવર્તી ધીમે ધીમે NCBની પૂછપરછમાં તૂટી હતી. તેણે માત્ર પોતે જ ડ્રગ્સ લેવાનું સ્વીકાર્યું જ નથી પરંતુ બોલિવૂડની અનેક મોટી હસ્તીઓના પણ નામ આપ્યા છે જે ડ્રગ્સ લેવામાં સામેલ હતા. કહેવામાં આવી રહ્યું છે કે રિયાએ બોલિવૂડના મોટા મોટા ૨૫ માથાના નામ ખોલ્યા છે.
અમારી દરેક પોસ્ટ સૌથી પહેલા વાંચવા નીચેની પ્રોસેસ ફક્ત એકજ વાર કરવાની રહેશે.
વધુ રસપ્રદ માહિતી અને નવી પોસ્ટ વાંચવા માટે ડાબી તરફ સ્વાઇપ કરો.</span
0 Response to "ફિલ્મ ઇન્ડસ્ટ્રીમાં અભિનયના નામે થાય છે ડ્રગ્સનો ધીકતો ધંધો, રિયા બાદ બીજી બે મોટી અભિનેત્રીની ધરપકડ"
ટિપ્પણી પોસ્ટ કરો